- Advertisement -
Akala ko, ang pag-iibigan
Ay pag-uusap lamang
At malagkit na tititigan.
Akala ko, ang pag-iibigan
Ay paghahawakan lamang ng kamay.
Akala ko ang pag-iibigan
Ay puro saya’t wala nang lumbay.
Akala ko, ang pag-iibigan
Ay pagtahak sa daan
Na nabubudburan
Ng talulot ng rosál.
Akala ko, ang pag-iibigan
Ay paglalapat lamang ng mga labi
At pagyayakapan nang ilang sandali.
Ngayon ay akin nang batid
Na ang pag-ibig
Ay lalo pang higit
Sa mga nabanggit—
Dahil ang taong umiibig,
Nararating ang langit
Nang paulit-ulit.
Enero 22, 2019
1:07pm
