- Advertisement -
Busilak
Perlas sa karagatan
Ng iyong kalooban
Na aking natagpuan.
Pagiging Payak
Palamuti mong taglay
Na aking hinangaan
At sukdulang minahal.
Aking Habambuhay
Dahil ika’y pinili,
Ako’y mananatili
Sa kandi mo’t kandili.
Antikwaryo
Kahit hindi na bago,
Ingatan mo’t itago
Ang antigo kong puso.
*Diyona- “isang katutubong tula na may pitong pantig bawat taludtod at ang saknong ay may isang tugmaan. Isa itong sinaunang tula na binibigkas at inaawit sa kasalan.”
