Ang lumbay ng Mayo ni Louie Jon A. Sánchez

Share

In Memoriam, Cirilo F. Bautista (1914-2018)

 

 

May lumbay ang Mayo na ito—

Naglilimas, unti-unti, ng búhay

Upang igiit yata ang likás

Na panglaw ng mabuhay.

Ano pa ba’ng dapat pang

Matututuhan bukod dito?

 

Sa malayò, ang tila pagsinghap-

Singhap pa ng mahal na Lola,

Habang hinihintay na tuluyang

Malagot ang hininga—parang di

Mapatid-patid, sa pakikinig

Ko sa telepono, kahit wala nang

Dapat hintayin pa, halimbawa,

Ang pagbabalik ng supling

Na malaong nagpaka-alibugha.

 

Sa malápit, dito, ang pagtaas-

Pagbabâ ng dibdib ng mahal na guro,

Marubdob, walang pagsuko,

Habol-habol ang hininga, waring

Tinig sa kaniyang mga epikong

Umawit, nag salaysay hinggil

Sa bigat ng búhay sa kapuluang ito

Na hindi na yata makababangon,

Tulad niyang piit ngayon ng sala-

Salabid na mga kable’t tubo.

 

May mga paglisang sumasagitsit

At inuulila ka ng gitla’t

Tinutugis ng pananangis.

 

May mga walang pagmamadali,

Wari’y ibig kang paupuin,

Patahanin sandali, sa isang sulok,

Upang, tulad ng mga mongheng

Hanap ay kaliwanagan, matamang

Pagbulayin itong bangkay

Ng paglayô ng palad na tunguhan.

 

Walang kaloob na kapalagayan

Ang pagninilay kundi sukdol-sindak

Sa alam na hindi talaga alam.

 

Mabuti’t mapang-alo ang banayad

Na pagtangan sa aking kamay—

Pasasalamat sa pagdamay

Sa pagtatanod niya sa ospital—

Ng masiyahing maybahay ng guro,

Handa nang maglambong ng luksa.

 

“Malungkot talaga ang búhay, ano?,”

Mahinahong tanong niya—wari’y

Sandaling pagsasatinig

Ng pagkamapagbiro ng guro

Na nagturo ng parikala’ttalinghaga.

 

May ningning sa kaniyang mga mata.

____________________

Si Louie Jon A. Sánchez ay premyadongmakata at guro ng panitikan, pagsulat, at kulturang popularsaAteneo de Manila University.Kasalukuyangdirektor ng TaunangPalihangPampanulaan ng LinangansaImahen, Retorika, at Anyo (LIRA).TagapayoniyasiCirilo F. Bautista sapagkakamitng MFA in Creative Writing sa De La Salle University, Manila

Read More

The peso paradox: Why more financially literate Filipinos are still struggling to build wealth

On a payday morning somewhere in Bulacan, a mother walks into a sari-sari store clutching a handful of coins. She asks for a sachet of shampoo, P10-worth of cooking oil, and a...

Joaquin: In the nick of time

The country’s best writers and cultural institutions paid homage this year to the 100th anniversary of the late National Artist Nick Joaquin. Ironically, had Joaquin been around, he might never have allowed the tributes and accolades given in his honor. Or maybe, he would, but at great discomfort. Said writer Jose ‘Pete’ Lacaba, “Sinasabi sa amin ni Nick pag dumadalaw kami sa mga burol ‘ayaw ko ng mga tribute-tribute. Ibalot niyo na lang ako sa banig, itapon niyo ako sa Pasig River.’ Pero tinatanggap din naman niya pag binigyan siya ng award [Nick would tell us whenever we were in a wake, ‘I don’t like tributes. Just wrap me in a mat and throw me in the Pasig River. But he still would accept every time he is given an award].”

The World in the time of Nick Joaquin

Europe, the seat of everything that was grand, powerful, and prosperous, was caught in the teeth of the First World War, the year Nicomedes Márquez Joaquín was born on May 4, 1917. It was half a world away from a boy who would emerge half a century later as one of the greatest literary minds in a poor and exploited country still caught in its own, long drawn-out war of independence in 1917.

They who wrote for the Philippines Graphic

“Our sense ... of our country is a sustained act of imagination. From that vantage, it can be said that our writers and artists, who are men and women of imagination, create our country (italics mine). That is to say: they evoke those images of ourselves as we live life day and night, those images of ourselves which we share and by which we recognize our nativity. We are our own best interpreters of our history and culture because it is we who have lived through that history and created our own values by which we live.” —National Artist for Literature Gemino Abad