(-kay Hidilyn Diaz)
‘Tong isport kong‘di ‘sinsikat ng básketból
Pagsasanay sa pagbuhat ng mabigát
Ilang kilo’t ilang timbang, búhat lahát
Nakakintal, sa katawan ‘tong paghukóm.
‘Tong paghukom, sa masel ko’y lumanguyngóy
Sa weightlifting, lagi-lagi’y nagbubuhát
Kung nanalo, sa balita’y hindi salát
Sa Olympics, sa Asian Games, ‘tinatambol.
Ngunit, batid naman nating ‘di madali,
Mula ulo, hanggang paa’y sumasakít.
Sa pagbuhat, baka likod ay mabali.
Sabi ko nga’y dapat nama’y ‘di masawi
Kahit cheesecake, ay dapat din ngang iwaglit,
Sa katawang bayan na rin ang may-ari.